嘉华阅读网
当前位置:首页»科技

如风往事之——再话“轧闹猛”(上海方言文章)

日期:2019-12-18 来源: 评论:

[摘要]        “轧闹猛”是一句方言土语,其读音为“gah nho man”,迭三个字属于“吴语语系词汇”,通用于北部吴语地区,如:常州话、无锡话、苏州话、上海话、湖州话、杭州话、嘉兴话……等地区都会得使用迭个词语,不过,使用频率最多额,恐...……

        “轧闹猛”是一句方言土语,其读音为“gah nho man”,迭三个字属于“吴语语系词汇”,通用于北部吴语地区,如:常州话、无锡话、苏州话、上海话、湖州话、杭州话、嘉兴话……等地区都会得使用迭个词语,不过,使用频率最多额,恐怕还是要数上海人了!

图片发自简书App

        自1842年上海开埠以来,一直是狭气闹猛额,还被西方人称之为“东方的夜巴黎”,“上海国际饭店”勒辣20世纪30年代有“远东第一高楼”之称,层高24层,地下有得2层,地面以上额高度为83.8米……上海人使用“轧闹猛”迭额三个字眼,覅仅仅是包含着三层含义与意思,还有伊独有额表现形式及心里背景,比较耐人寻味。

图片发自简书App

        第一层意思是讲:有一眼眼“瞎起哄”跟“起蓬头”额米道。

图片发自简书App

        凡是看到啥地方人比较多,不管三七廿一,就欢喜往里厢钻、往里厢轧,生怕自己漏特了好额么事与事情。勒辣老底子国家还处在计划经济时期时,老百姓生活比较紧张与艰苦额辰光,几乎买啥额么事都要凭各类票证,而且还要去排队,各类队伍啊是排的老长额,只要有一额人勒辣抢紧俏物资与商品,后头额人眼扳数要紧跟(风),并引起一帮子人抢着排队,排成蛇行队伍。哪怕覅是购买紧俏物资与商品,只要是有人勒辣排着队,啊会得去排排队,要是一旦发现路子覅对,覅是自家要购买额么事,队伍中额人群就会得一轰而散各奔东西。

图片发自简书App

        现在人民额生活水平啊大幅度提高了,各类商品与物资可以讲是琳琅满目名目繁多,让人挑花了眼,有些辰光还覅晓得买啥额么事好,就再啊覅需要急吼吼去排队轧啥额闹猛了,但不过上海人啊是有一眼贱骨头,覅闹猛、么得闹猛好去轧,反而觉得覅大好白相、一眼啊么米道与意思了,又滋生出一种新额闹猛,勒辣网络上会得不定期推出各种新额网红,如:网红蛋糕、网红奶茶、网红餐饮……是商家额一种促销手段,乃么上海人会得排队去购买伊拉额商品,就算要排一两额钟头、两三额钟头啊无所谓,认为只要米道好吃啊是值得额!

图片发自简书App

        上述轧闹猛额例子倒是对个人、生活、家庭及社会么啥大额坏处,怕就怕有一种覅大好额轧闹猛,倒是会得带来极大额坏处,几乎能影响到方方面面,其中啊包括国家在内,可以讲是百害无一眼利益。 譬如讲:现在国家综合实力上去了,是世界第二大经济体,老百姓生活水平像芝麻开花一样节节高了,流行起一种披着“爱国主义”为外衣额排外情绪,只要自己国家受到别人家额国家欺负了,人人都要爱国家、都要为国家设想,要是有一额人覅是迭能去做,绝对是“一个标准汉奸与卖国贼”,动不动就要群起而攻之,大家一道来口诛笔伐,还要采用打砸抢烧手段,来纷纷去抵制各类国外生产额商品。据说,有覅少上海人会得起蓬头参与期间,带来了极其伐好额影响。

图片发自简书App

        第二层意思是讲:上海人狭气欢喜闷声覅响额去“看白戏”。

图片发自简书App

        啥额叫做“看白戏”,凡是覅用自家出铜钿看“各种各样戏”,一律叫做“看白戏”。“看白戏”含义有两种,一是指去看各类戏曲与曲艺,二是指去看闹猛地方滋出生来各类闹猛事体。有些人只要是看到有各类闹猛事体好轧、有各类白戏好看,自会得紧跟大家一道去,更会得里三层外三层包围着。不过,像迭能样子额人,一般是覅大会得主动去起蓬头。大人教育小囡额辰光,会得讲迭能一句闲话:“倷要拎拎清爽,脑子里还要多生一根筋,凡是人狭气多、狭气闹猛地方覅要去了,倷现在最主要任务是好好学习天天向上,每天要有一眼眼进步,覅该倷去管额闲事就覅要去管了,记牢了覅?!”……

图片发自简书App

        之所以大人会得迭能来教育小囡,啊是老底子老祖宗传下来的经验与教训,认为:“管了闲事,反倒落不是”,覅管帮了啊里一方,总归有另外一方觉得覅大满意额地方,啊覅可能真正去做到一碗水都能端端平,反而要把别人家讲特一顿,还有可能成为猪头三,猪八戒照镜子里外不是人,与其覅落好犯不着,到覅如“多一事不如少一事”,耳朵根旁边啊好变得清净许多,更可以减少某些不必要额麻烦与烦恼,从对教育小囡闲话当中,充分体现了上海人世俗精明与门槛精了!

图片发自简书App

        还有就是,对于一帮子欢喜看看白戏与闹猛额人来讲,覅大会得嫌事体大,干脆把事体弄弄大,事体越是弄了大越是好白相,一些看白戏与闹猛额人,啊会得觉得特别额扎劲有米道,大家啊好多了一份谈资与新闻,跟要好亲朋好友攀谈起来啊会得变得更加丰富多彩。

图片发自简书App

        记得,笔者读初三下班学期额辰光,有一天夜到头放了夜学,辰光大约摸勒辣五点钟到五点半左右,勒辣马路浪厢,看到自家额亲阿哥下班以后么直接回去,而是跟了一帮子人一道看了一场白戏。有两三额人勒辣骂山门打相打,看额人是围了外三层里三层,随着骂山门打相打额人一道转动。虽然阿哥待在最最外面一层,但是伊额辰光吾覅晓得啥地方来额勇气,拿伊啊骂特了一顿,对伊讲:“骂山门打相打额人又覅管三七廿一咯,伊拉是瞎来来,倷万一把伊拉打伤特了哪能办啊?!”并劝伊马上跟吾回去,还拿迭桩事体告诉了姆妈听。

图片发自简书App

        姆妈晓得了以后,啊讲虽然倷迭桩事体做的狭气对额,但不过倷从养下来开始一直到现在,看到倷阿哥多多少少是有一眼吓丝丝额,就好像一只煨灶猫一样,老古闲话讲得特别好,侬格生肖是属蛇,倷阿哥生肖属鼠,照道理应该是蛇盘(缠)老鼠,现在倒是反了一反萝卜颠倒生,变成了老鼠捉蛇,今朝倷居然敢勒辣老虎头浪厢拍了一记苍蝇,覅得了嘛!……

图片发自简书App

        第三层意思是讲:上海人狭气欢喜跟风随大流,自家没主见。

图片发自简书App

        上海人狭气欢喜跟风随大流,可以讲自家是一眼啊么主见额,凡是看(听)到各类“好额人事物情”,覅管自家欢覅欢喜、适合覅适合,必定要轧一脚参与进去,哪怕只能讲一两句闲话啊是好额,不但是行动上会得迭能去做,还会得去做一个传声筒,跟了大家一道人云亦云一番,而且还要跟所有认识的人讲一遍,甘做一颗墙头小草。

图片发自简书App

        有些人看(听)到别人家,通过做各种各样生意,发了一笔财赚到了一眼铜钿,生活啊过的一天比一天好、越来越滋润,覅管自家是覅是一块做生意额料作,是会得跟了人家屁股后头做起各类生意。

图片发自简书App

        譬如讲:听到人家讲,开装潢公司蛮赚铜钿,更是钱途无量,就会得跟人家合开装潢公司,过特一段辰光,装潢公司开覅下去关门了;又听到人家讲,做各类玉器生意蛮赚铜钿,能翻十几只跟头,保证只赚不赔,就会得跟了人家一道去做各类玉器生意,还是过特一段辰光,因为覅懂玉器生意经,吃进了一批假玉器,亏本亏得来一天世界;还听人家讲,现在蛮流行去K房唱卡拉OK,问亲朋好友借了铜钿,去开了一爿卡拉OK。……反正是啥额生意好去赚铜钿,从覅考虑后果去做最坏额打算,先去做了再讲伐,如果做了伐好顶多就关门……

图片发自简书App

      【备注:①文章为作者原创;②各类“轧闹猛”图片均来源于网络上;③感谢原创图片。】

图片发自简书App

        杜老倌侠客居(陆伟)写于2018年06月27日星期三晚上

您至少需要输入5个字

相关内容

编辑精选

copyright © 2017 https://www.bcidsports.com 嘉华阅读网 版权所有